ဇရာဆိုတာက ဟန့်တားလို မရတဲ့ အရာတွေထဲက တစ်ခုပါ။ ဒါပေမယ့် ကိုယ့်ရဲ့ ရှိရင်းစွဲအသက်အရွယ်ထက် ပိုပြီးငယ်ရွယ်နုပျိုစေမယ့် နည်းလမ်းတွေ ရှိပါတယ်။ အရွယ်တင်နုပျိုစေဖို့ အသားအရေထိန်းသိမ်းတဲ့ ပစ္စည်းတွေ သုံးတာတင် မဟုတ်ဘဲ၊ အစားအသောက်တွေ စားပြီးတော့လည်း အရွယ်တင်နုပျိုအောင် လုပ်လိုရပါတယ်။
ဖရဲသီး
ဖရဲသီးမှာ ရေဓာတ်ပါဝင်မှုများတာကြောင့် အသားအရေကို နူးညံ့စိုပြေစေပါတယ်။ သူမှာပါဝင်တဲ့ Antioxidants က UV ဒဏ်ကိုလည်း ကာကွယ်ပေးနိုင်ပါတယ်။
ထောပတ်သီး
ထောပတ်သီးမှာ လူအတွက်အကျိုးရှိတဲ့အဆီဓာတ်တွေ ပါဝင်နေတာကြောင့် တစ်နေ့တစ်လုံးစားပေးခြင်းဟာ ကိုလက်စထရောကိုကျစေပြီး ကျန်းမာတဲ့ အသားအရည်အလှကိုရရှိစေမှာပါ။
ကြက်ဉ
ပရိုတင်းဓာတ် အဓိက ပါဝင်တဲ့ ကြက်ဉမှာ ခန္ဓာကိုယ် နုပျိုစေဖို့အတွက် လိုအပ်တဲ့ အားအင်တွေကို ပေးစွမ်းနိုင်ပါတယ်။
ကော်ဖီ
ကော်ဖီက အသားအရေအတွက် ကောင်းမွန်စေတဲ့အရာတွေထဲက တစ်ခုပါ။ သုတေသနတွေအရ တစ်နေ့ကို ကော်ဖီ ၄ ခွက်သောက်တဲ့သူက မသောက်တဲ့သူထက် ပိုပြီးနုပျိုစေနိုင်ပါတယ်တဲ့။ အနည်းဆုံး တစ်နေ့ကို တစ်ခွက်လောက်တော့ သောက်သင့်ပါတယ်။
မုန်လာဥနီ
မျက်စိအားကောင်းချင်ရင် မုန်လာဥနီစားဆိုပြီးပြောကြပေမယ့် လူတွေသိပ်မသိကြသေးတဲ့ နောက်တစ်ခုကတော့ အသားအရည်အလှ ကိုပါ များစွာအထောက်အပံ့ပေးနေတာပါ။ မုန်လာဥနီကိုချက်စားမယ်ဆိုရင်တော့ အကျက်မလွန်အောင် ဂရုစိုက်ဖို့လိုမယ်နော်။