ဆိုဖီယာကတော့ အဆိုတော်ဘဝကို မြန်မာအိုင်ဒေါမှာဝင်ပြိုင်ရင်း အဆိုကောင်းတာကြောင့်ပရိတ်သတ်တွေရဲ့ချစ်ခင်အားပေးမှုကိုအခိုင်အမာရရှိထားတဲ့အဆိုတော်ပဲဖြစ်ပါတယ်။

သူမရဲ့ ပထမဆုံးနာမည်ကြီး သီချင်းဖြစ်တဲ့ "Crush on You" ကို ၂၀၁၆ ခုနှစ် နိုဝင်လာ ၁ ရက်နေ့မှာ ထွက်ရှိခဲ့ပြီး အဆိုတော် X Box နဲ့တွဲဖက်သီဆိုထားတဲ့ Snapshotသီချင်းက ပရိသတ်တွေကြားမှာ အထူးဆွဲဆောင်နိုင်ခဲ့ပါတယ်။

ဆိုဖီယာက နွေဦးတော်လှန်ရေးမှာလဲ ပြည်သူတွေနဲ့ တစ်သားထဲ အမှန်တရားဘက်က ရပ်တည်ပေးခဲ့သူလဲဖြစ်ပါတယ်။ တော်လှန်ရေးအတွင်းမှာလဲ အလှူအတန်းအတွေပြုလုပ်ခဲ့ပြီး ပါဝင်အားဖြည့်ခဲ့ပါသေးတယ်။

အဆိုတော်ဆိုဖီယာက သူမ Relationship နဲ့ ပတ်သက်ပြီး အဆိုတော်Keyနဲ့ ချစ်သူတွေဖြစ်နေကြောင်းကို မနေ့က ထုတ်ဖော်ပြောပြလာပါတယ်။ အဆိုတော် Key Lashi ကတော့ Galaxy Star ပြိုင်ပွဲက တဆင့် အနုပညာလောကထဲကို ဝင်ရောက်လာခဲ့တဲ့သူလည်း ဖြစ်ပါတယ်။ သူမတို့ နှစ်ယောက်က ရန်ဖြစ်လိုက်ပြန် ချစ်လိုက်နဲ့ပဲ ချစ်သူသက်တမ်းက ၁နှစ်နဲ့ ၁လ ရှိနေပြီလို့ သူမက ဆိုပါတယ်။