ဓမ္မတာလာခြင်းကြောင့်ဖြစ်ပေါ်လာတဲ့ နာကျင်ကိုက်ခဲမှုတွေကို သက်သာစေနိုင်မယ့် အစားအစာများ - Myanmarload

ဓမ္မတာလာခြင်းကြောင့်ဖြစ်ပေါ်လာတဲ့ နာကျင်ကိုက်ခဲမှုတွေကို သက်သာစေနိုင်မယ့် အစားအစာများ

https://s9.kh1.co/c8/c824f50a3a3e6442b8c79b4f68fcccab27aa3c04.jpg
ကျန်းမာရေးနှင့် အလှအပရေးရာ
 17-Sep-2021 12pm · 2 months ago

ဘယ်လို အစားအစာတွေကိုစားသောက်ရမလဲဆိုတာကိုတော့ (အပြည့်အစုံ ဖတ်ရန် ပုံကိုနှိပ်ပါ)

အမျိုးသမီးအများစုဟာ အပျိုဖော်ဝင်စကာလမှစ၍ တစ်လတစ်ခါ ရာသီသွေး ဓမ္မတာ လာတတ်ကြပါတယ်။ဒီလို ဖြစ်တဲ့အချိန်တွေမှာ ဆိုရင် ဗိုက်အောင့်ခြင်း၊ကြွက်သားများနာကျင်ခြင်း၊စိတ်မကြည်မလင်ဖြစ်ခြင်း အစရှိတဲ့ဝေဒနာများကို ခံစားကြရပါတယ်။ဒီနေ့မှာတော့ ဒီဝေဒနာတွေကို သက်သာစေနိုင်မယ့် အစားအစာတချို့ကိုဖော်ပြထားပါတယ်။

၁။ရေဓာတ်ပြည့်ဝတဲ့ အစားအစာတွေစားသုံးပေးပါ။

အမှန်တကယ်တော့ ရေများများသောက်ပေးတာဟာ အကောင်းဆုံးပါပဲ။ဒါဟာ ဆန့်ကျင်ဘက်သဘောဆန်တယ် လို့ထင်ရသော်လည်းရေသောက်ခြင်းဟာ သင့်ခန္ဓာကိုယ် ကို ရေဓာတ်ကုန်ခမ်းခြင်းမှ ကာကွယ်ပေးတဲ့အပြင် သင့်ရဲ့ ဓမ္မတာနဲ့ နှင့်ပတ်သက်တဲ့ ရောင်ရမ်းနာကျင်မှုအချို့ကိုလည်း သက်သာစေနိုင်ပါတယ်။အကယ်၍ သင်ကိုယ်တိုင်ကရေသောက်တာဝါသနာပါသူမဟုတ်ရင် ဆလတ်ရွက်၊ တရုတ်နံနံ၊ သခွားသီး၊ ဖရဲသီး (သို့) ဘယ်ရီသီးတို့လိုရေဓာတ်ပြည့်ဝတဲ့အသီးအနှံများ၊ပူနွေးသောအရည်များ အစရှိသည်တို့ကို စားသောက်ခြင်းဟာလည်း သင့်ရဲ့ နာကျင်ရောင်ရမ်းမှုတွေကို သက်သာစေပါတယ်။

https://s9.kh1.co/__image/w=650,h=369,q=100/ea/ea5d4a264ffad2546b1cb9331e0a3c274b988ca1.jpg
Photo Credit From Google
https://s9.kh1.co/__image/w=640,h=480,q=100/ed/ed00c5cc53f8e159a4246f40cf716341354f8477.jpg
Photo Credit From Google

၂။ဆယ်လ်မွန်ငါးကို စားသုံးပေးပါ။

ဆယ်လ်မွန်ငါးမှာဆိုရင် omega-3S လို့ခေါ်တဲ့ Fatty Acid များကြွယ်ဝတဲ့အတွက် နာကျင်မှုနဲ့ရောင်ရမ်းမှုများကိုလျှော့ချပေးနိုင်ပါတယ်။ဆယ်လ်မွန်ငါးမှာဆိုရင် ကျန်းမာစေနိုင်တဲ့ ပရိုတင်းအရင်းအမြစ်များစွာပါဝင်ပြီး ဗီတာမင် D နှင့် B6 တို့လည်းပါဝင်ပါတယ်။ဗီတာမင် D ဟာ ရာသီလာစဉ် နာကျင်မှုကိုပိုမိုထိန်းညှိပေးနိုင်တဲ့ အခြားအာဟာရဓာတ်ဖြစ်သော ကယ်လစီယမ်ကိုစုပ်ယူရန်ကူညီပေးပြီး ဗီတာမင် B6 ဟာကြွက်တက်ခြင်းနှင့်အတူ သင်ကြုံတွေ့ရနိုင်သော ရင်သားများနာကျင်ခြင်းနဲ့ စိတ်တိုခြင်းတို့ကို လျှော့ချပေးနိုင်ပါတယ်။

https://s9.kh1.co/__image/w=253,h=199,q=100/76/76846233626c305b60416053fbe070fbbbafd51a.jpg
Photo Credit From Google
https://s9.kh1.co/__image/w=610,h=502,q=100/b8/b8eb81bdb5c21469e2e0464e072c9f9b931d1b46.jpg
Photo Credit From Google

၃။သံဓာတ်ပြည့်ဝစေတဲ့ အစားအစာများ ကိုစားသုံးပေးပါ။

လစဥ်လတိုင်း ဓမ္မတာလာတဲ့ဖြစ်စဥ်ကြောင့် သင်တို့ ခန္ဓာကိုယ်ထဲက သံဓာတ်တွေကိုဆုံးရှုံးနေရပါတယ်။ဒါကြောင့် ဒီသံဓာတ်တွေပြန်ဖြည့်ဖို့ဆိုရင်

အနီရောင် ရှိတဲ့ အသားများ(ဥပမာ-အမဲသား) စားလို့ရသလို ဟင်းသီးဟင်းရွက် ကြိုက်တတ်တဲ့သူတွေအတွက်တော့ အညိုရောင်(သို့မဟုတ်) အစိမ်းရင့်ရောင်ရှိကြတဲ့ ဟင်းသီးဟင်းရွက်တွေစားသုံးပေးဖို့လိုပါတယ်။ဥပမာအနေနဲ့ပြောရရင်ကိုက်လန်နဲ့ဟင်းနုနွယ်ရွက်လိုမျိုး ဗီတာမင်စွမ်းအားတွေပါဝင်တဲ့ အရွက်တွေကိုစားသုံးပေးနိုင်ပါတယ်။

https://s9.kh1.co/__image/w=650,h=366,q=100/9f/9f1ee2d2b8073e25ff35c3129a6bf96412a8a6c9.jpg
Photo Credit From Google
https://s9.kh1.co/__image/w=452,h=678,q=100/30/30c3de2f0d39771f5f3cc63c39f1597fcfb137eb.jpg
Photo Credit From Google

၄။မဂ္ဂနီဆီယမ် နဲ့ ပိုတက်ဆီယမ် ဓာတ်ကြွယ်ဝစွာပါဝင်တဲ့ အစားအစာများကိုစားသုံးပေးပါ။

မဂ္ဂနီဆီယမ် နဲ့ ပိုတက်ဆီယမ် ဓာတ်တွေဟာဆိုရင် ဓမ္မတာလာစဥ် ခန္ဓာကိုယ်မှာဖြစ်တတ်တဲ့ ကြွက်တက်ခြင်း၊စိတ်မကြည်မလင်ဖြစ်ခြင်း၊အဆက်မပြတ် နာကျင်ခြင်း အစရှိတဲ့ လက္ခဏာများအားလုံးကို သက်သာစေနိုင်ပါတယ်။ဒါကြောင့် မဂ္ဂနီဆီယမ်ဓာတ်လုံလောက်စွာပါဝင်တဲ့ အစေ့အဆံများ ၊ပိုတက်ဆီယမ်ဓာတ်ကြွယ်ဝစွာပါဝင်တဲ့ ငှက်ပျောသီး အစရှိတာတွေကိုစားပေးဖို့ လိုအပ်ပါတယ်။

https://s9.kh1.co/__image/w=650,h=434,q=100/f4/f4d7f7ae5478f619e55e48107731ebc99a61a006.jpg
Photo Credit From Google
https://s9.kh1.co/__image/w=479,h=640,q=100/28/28b83bd7183b145781c47fc0336517d0c358b191.jpg
Photo Credit From Google

၅။Dark Chocolate စားပေးပါ။

Dark Chocolate တွေမှာ ဆိုရင် မဂ္ဂနီဆီယမ်ဓာတ်နဲ့ အမျှင်ဓာတ်များစွာပါဝင်တဲ့ အတွက် ဓမ္မတာလာနေစဥ် စိတ်မကြည်မလင်ဖြစ်တာနဲ့ နာကျင်ကိုက်ခဲတာတွေကို အလျင်အမြန် သက်သာစေနိုင်ပါတယ်။ဒါကြောင့် Dark Chocolate ကိုလည်း ဓမ္မတာလာနေစဥ်မှာ စားသုံးသင့်ပါတယ်နော်။

https://s9.kh1.co/__image/w=647,h=474,q=100/56/563de66e2e5a6181b138c745e69d7fa862384805.jpg
Photo Credit From Google
https://s9.kh1.co/__image/w=385,h=350,q=100/7a/7a47d6610ab2a9889639ce7fc2d5336428fac6b9.jpg
Photo Credit From Google
Thandar Aung
Thandar Aung

ဆက်စပ်ဆောင်းပါး