(၈)ဂိုး၊(၂)ဂိုးနဲ့ ဘိုင်ယန်အသင်းကို ရှုံးနိမ့်ခဲ့အပြီး ယခုတစ်ကြိမ်တွေ့ဆုံချိန်မှာလည်း (၃)ဂိုးပြတ်အရှုံးပေးခဲ့ရပြန်တဲ့ ဘာစီလိုနာအသင်း - Myanmarload

(၈)ဂိုး၊(၂)ဂိုးနဲ့ ဘိုင်ယန်အသင်းကို ရှုံးနိမ့်ခဲ့အပြီး ယခုတစ်ကြိမ်တွေ့ဆုံချိန်မှာလည်း (၃)ဂိုးပြတ်အရှုံးပေးခဲ့ရပြန်တဲ့ ဘာစီလိုနာအသင်း

https://s9.kh1.co/04/049f1f1cf02e33ec1453b8db54d91c89ce647bcb.jpg
အားကစားသတင်းများ
 15-Sep-2021 12pm · a month ago

(၈)ဂိုး၊(၂)ဂိုးနဲ့ ဘိုင်ယန်အသင်းကို ရှုံးနိမ့်ခဲ့အပြီး ယခုတစ်ကြိမ်တွေ့ဆုံချိန်မှာလည်း (၃)ဂိုးပြတ်အရှုံးပေးခဲ့ရပြန်တဲ့ ဘာစီလိုနာအသင်း

စက်တင်ဘာလ (၁၅)ရက်နေ့ ယနေ့မှာတော့ ဘာစီလိုနာအသင်းနဲ့ ဘိုင်ယန်မြူးနစ်အသင်းတို့ ချန်ပီယံလိဒ်ပွဲစဥ်အဖြစ် နူးကမ့်ကွင်းကြီးမှာ ယှဥ်ပြိုင်ကစားခဲ့ကြပါတယ်။ အဆိုပါပွဲစဥ်မှာ ဘိုင်ယန်အသင်းက လူစုံထုတ်သုံးလာခဲ့ပြီး ဘာစီလိုနာအသင်းကတော့ ဒဏ်ရာရရှိနေတဲ့ ဝါရင့်ကစားသမားတွေကြောင့် လူငယ်တွေကိုသာ ပွဲထုတ်လာခဲ့ပါတယ်။ ဘိုင်ယန်အသင်းကတော့ ပြိုင်ဘက်အသင်းရဲ့ အိမ်ကွင်းမှာ လာကစားရတာဖြစ်ပေမယ့် ​ပုံစံကောင်းပြသနိုင်ခဲ့ပြီး ပထမပိုင်းမှာတင် တစ်ဂိုးဂိုးမရှိနဲ့ ဦးဆောင်နိုင်ခဲ့ပါတယ်။

https://s9.kh1.co/__image/w=650,h=813,q=100/17/17b629a21713f43adb2b2846a37a7bece9588dbb.jpg
Photo Credit: Original Uploder
https://s9.kh1.co/__image/w=650,h=434,q=100/cd/cdbb8278ebb7288fd9953c034d3c4ac7e8fd15a8.jpg
Photo Credit: Original Uploder
https://s9.kh1.co/__image/w=650,h=407,q=100/d5/d53fc539443adb24543213261de5f0b728c0e7eb.jpg
Photo Credit: Original Uploder

ဘိုင်ယန်အသင်းရဲ့ တိုက်စစ်မှူးလီဝန်ဒေါ့စကီးက ဒုတိယပိုင်းမှာ နှစ်ဂိုးအထိ သွင်းယူခဲ့ပြီး ဘာစီလိုနာအသင်းက ​ချေပဂိုးမသွင်းယူနိုင်ခဲ့တာကြောင့် ဘိုင်ယန်အသင်းတို့ သုံးဂိုးပြတ်အနိုင်ရရှိခဲ့ပါတယ်။ ဘာစီလိုနာအသင်းဟာ ယခုပွဲစဥ်မတိုင်ခင်တုန်းကလည်း ဘိုင်ယန်အသင်းနဲ့ ချန်ပီယံလိဒ်မှာ တွေ့ဆုံခဲ့ဖူးပြီး (၈)ဂိုး (၂)ဂိုးနဲ့ ရှုံးနိမ့်ခဲ့သေးတာ ဖြစ်ပါတယ်။ (၈)ဂိုး (၂)ဂိုးနဲ့ ရှုံးနိမ့်ခဲ့တဲ့ ပြီးခဲ့တဲ့ နှစ်ပွဲစဥ်တုန်းက ဘာစီလိုနာအသင်းဟာ မီဒီယာတွေ၊ပြိုင်ဘက်ပရိသတ်တွေရဲ့ လှောင်ပြောင်ခြင်းကို အတော်လေးခံခဲ့ရသေးတာ ဖြစ်ပါတယ်။

https://s9.kh1.co/__image/w=650,h=650,q=100/19/19cc6dea7619ea99b4bdfc0029eb263dd69d6dbd.jpg
Photo Credit: Original Uploder
https://s9.kh1.co/__image/w=650,h=407,q=100/de/de9612713a8f70954520692dfc9c9860994dc958.jpg
Photo Credit: Original Uploder
https://s9.kh1.co/__image/w=650,h=407,q=100/f7/f73de708ea701132da4f812f6a200fd62ba20ddc.jpg
Photo Credit: Original Uploder

ဘိုင်ယန်အသင်းအတွက်ဂိုးတွေကိုတော့ သောမတ်မူလာက ပွဲချိန်(၃၄)မိနစ်မှာ သွင်းယူပေးခဲ့သလို လီဝန်ဒေါ့စကီးကလည်း ပွဲချိန်(၅၆)မိနစ်၊(၈၅)မိနစ်တို့မှာ သွင်းယူပေးခဲ့တာ ဖြစ်ပါတယ်။ ဘာစီလိုနာအသင်းကတော့ ယခုရှုံးပွဲကြောင့် အုပ်စုအဆင့်ရဲ့ အောက်ဆုံးနေရာဖြစ်တဲ့ အဆင့်(၄)နေရာကို ရောက်သွားခဲ့ပါတယ်။ ဘာစီလိုနာအသင်းကတော့ လာလီဂါအမှတ်ပေးဇယားမှာလည်း အဆင့်(၇)နေရာအထိ ရောက်ရှိနေတာဖြစ်လို့ နည်းပြရော်နယ်ကိုးမန်းတစ်ယောက် အသင်းကို ​ဘယ်လိုပုံစံ​ကောင်းရရှိအောင် စွမ်းဆောင်ပေးမလဲဆိုတာ ပရိသတ်တွေက စိတ်ဝင်တစားစောင့်ကြည့်နေကြပါတယ်။

Source : Original Uploder

https://s9.kh1.co/__image/w=650,h=814,q=100/cf/cf32a182ee11d18bd015c4a11a196a3daf725575.jpg
Photo Credit: Original Uploder
https://s9.kh1.co/__image/w=650,h=434,q=100/99/9979fb62befe1dd36e95e1b960e6bd1bcce92944.jpg
Photo Credit: Original Uploder
Kaung Htet Kyaw
Kaung

ဆက်စပ်ဆောင်းပါး