ဂျင်းနီးဟာ နယူးယောက်မှာကျင်းပတဲ့ ပွဲကို တောက်ပနေတဲ့အပြာရောင်ဂါဝန်ရှည်နှင့်တက်ရောက်လာခဲ့တာဖြစ်ပါတယ်။ ဒီနှစ် ပွဲရဲ့ ဟာ Garden of Time Theme လို့သတ်မှတ်ထားတာကြောင့် ပွဲတက်လာသူအများစုဟာ ပန်းပွင့်တွေပါဝင်တဲ့ဝတ်စုံတွေကိုဝတ်ဆင်လာကြတာပါ။ ဒါပေမဲ့ ဂျင်းနီကတော့ alaïa ဘရန်းကနေ ချုပ်ထားတဲ့အပြာရောင်ဂါဝန်ရှည်ကို ပင်လယ်ကိုကိုယ်စားပြုပြီးဝတ်ဆင်လာခဲ့တာဖြစ်ပါတယ်။
ဒီလိုပင်လယ်အရောင်ကိုကိုယ်စားပြုတဲ့အနေနှင့် ဂျင်းနီဟာလက်ဝတ်ရတနာအနေနှင့် ခရုခွံလေးတွေကိုပါ ဝတ်ဆင်လာခဲ့တာကြောင့် ပင်လယ်ပျော်နတ်သမီးလေးနှင့်တူနေတယ်ဆိုပြီး မီဒီယာစာမျက်နှာတွေထက်မှာ ချီးကျုးခံနေရပါတယ်။ ဒီအကြောင်းပြချက်အပြင် ဂျင်းနီဟာပွဲအတွက် အပြာရောင်ဝတ်စုံဝတ်ရတဲ့အကြောင်းရင်းနောက်တစ်ခုရှိနေသေးတယ်လို့ပရိတ်သတ်တွေကခန့်မှန်းထားကြပါတယ်။
ဂျင်းနီရဲ့မိခင်ဖြစ်သူဟာ မွေးနေ့တွေမှာ ဂျင်းနီကိုအမြဲတမ်းအပြာရောင်နှင်းဆီပန်းတွေလက်ဆောင်ပေးလေ့ရှိပါတယ်။ ဂျင်းနီကိုယ်တိုင်ကလည်း အမေဖြစ်သူပေးတဲ့အပြာရောင်ပန်းတွေကို ဆိုရှယ်မီဒီယာမှာမကြာခဏတင်တတ်ပါသေးတယ်။ အခုလိုအပြာရောင်ဝတ်စုံကိုရွေးချယ်ခြင်းဟာ ဂျင်းနီအနေနှင့် အမေဖြစ်သူပေးတဲ့အပြာရောင်ပန်းတွေကိုဖော်ပြချင်တာကြောင့်လည်းဖြစ်နိုင်တယ်ဆိုပြီး ခန့်မှန်းနေကြပါတယ်။