အဝတ်မခြောက်တာ ဒါမှမဟုတ် သိမ်းဆည်းတာအဆင်မပြေရင် မှိုနံ့တွေထွက်နေတတ်ပါတယ်။ မှိုနံ့မပြင်းထန်တဲ့အခြေအနေမှာဆိုရင်တော့ အဝတ်လျှော်စက်မှာပါတဲ့ ရေပူနှင့် လျှော်ဖွပ်ခြင်းက အတော်အသင့်ပျောက်ကင်းစေပါတယ်။ မှိုအများစုဟာရေအပူချိန် ၁၄၀လောက်ဆိုသေဆုံးတတ်ကြတာကြောင့် ရေပူနှင့်လျှော်ခြင်းကသဘာဝနည်းလမ်းကောင်းတစ်ခုပဲဖြစ်ပါတယ်။
တစ်ချို့အဝတ်တွေကိုတော့ နေရောင်အောက်မှာ ပုံမှန်ထက်အနည်းငယ်ကြာအောင် လှန်းပေးရုံနဲ့တင် မှိုနံ့ပျောက်ကင်းနိုင်ပါတယ်။ အကြောင်းကတော့နေရောင်ခြည်ဟာ သဘာဝတရားရဲ့မှိုတိုက်ဖျက်ရေးလက်နက်တစ်ခုဖြစ်နေတာကြောင့် ဖြစ်ပါတယ်။ အိမ်သုံးပစ္စည်းဖြစ်တဲ့ Baking Soda နှင့် ရှောက်ရည်တို့ကို အတူတူတွဲပြီး အသုံးပြုခြင်းကလည်း မှိုနံ့ကိုပျောက်ကင်းစေပါတယ်။ ပြီးတော့ လက်ဖက်စိမ်းအဆီကလည်း မှိုတွေကိုဖယ်ရှားနိုင်တဲ့အစွမ်းရှိတာကြောင့် သူ့ကိုလည်းပဲ အသုံးပြုနိုင်ပါတယ်။
တစ်ကယ်လို့ အဝတ်အစားဟာ အတော်လေးနံနေတဲ့အပြင် မှိုစွဲတဲ့ပမာဏလဲများနေမယ်ဆိုရင်တော့ မှိုချွတ်ဆေးလိုမျိူး ဓာတုပစ္စည်းတွေကိုအသုံးပြုနိုင်ပါတယ်။ ဒါပေမဲ ဒီလိုအသုံးပြုခြင်းက အဝတ်အထည်တွေရဲ့အရည်အသွေးကိုလျော့ကျစေမဲ့အပြင် အရောင်အဆင်းတောက်ပမှုကိုပါထိခိုက်စေနိုင်ပါတယ်။