သာမာန်ပလိန်းတီရှပ်နှင့် စတိုင်ပင်ဘောင်းဘီဟာ အမျိုးသားတိုင်းနှင့်လိုက်ဖက်ပြီးတော့ ရုံးသွားဖို့ဖက်ရှင်အနေနှင့်အသင့်တော်ဆုံးလို့ဆိုနိုင်ပါတယ်။ ရုံးသွားရုံးလာအပြင် ဒီလိုဖက်ရှင်ဟာထသွားထလာအခြေအနေတွေမှာပါဝတ်ဆင်ဖို့အဆင်ပြေနိုင်ပါတယ်။
ပိုလိုရှပ်တွေနှင့် Pant တွေဟာလည်း အမျိုးသားတိုင်းသဘောကျတဲ့ဖက်ရှင်အတွဲအစပ်တစ်ခုပါ။ ပိုလိုရှပ်တွေရဲ့ ဒီဇိုင်းဟာရိုးရှင်းပြီးအထက်တန်းဆန်ပုံပေါ်တာကြောင့် ဝတ်ဆင်သူကိုလူကြီးလူကောင်းလိုမျိုးအသွင်အပြင်ကိုပေးစွမ်းပါတယ်။
တီရှပ်အဖြူနှင့် ဂျင်းကိုတွဲဖက်ဝတ်ထားပြီး အပေါ်ကနေ ရှပ်လက်ရှည်တစ်ထည်ထပ်ဝတ်ထားတာကလည်း ပုံမှန်အားဖြင့်တော့ ငယ်ရွယ်သေးတဲ့ကောင်လေးတွေဝတ်လေ့ရှိတာပါ။ ဒါပေမဲ့ ဒီလိုဖက်ရှင်ဟာလည်း ရုံးသွားရုံးလာဖို့အတွက် အဆင်ပြေပြီးတော့ ရှင်းသန့်ပြီးလန်းဆန်းတဲ့ခံစားချက်ကိုဖြစ်စေပါတယ်။
Sweatshirt တွေနှင့် စတိုင်ပင်တွေကိုတွဲဝတ်တာကလည်း အမျိုးသားတွေကြားမှာရေပန်းစားတတ်တဲ့ဖက်ရှင်အတွဲအစပ်ဖြစ်ပါတယ်။ အမျိုးသားအများစုဟာ ဒီလိုဝတ်လေ့မရှိကြပေမဲ့ ဒီလိုဖက်ရှင်ကလည်းလူကိုတည်ငြိမ်ပုံပေါ်ပြီး လူကြီးလူကောင်းအသွင်အပြင်ဖြစ်စေပါတယ်။
ရိုးရှင်းတဲ့ပလိန်းရှပ်လက်ရှည်တွေနှင့် Pant တွေရဲ့အတွဲအစပ်ကလည်း အရိုးရှင်းဆုံးဖြစ်သလို အမိမိုက်ဆုံးလည်းဖြစ်ပါတယ်။ လူငယ်တွေသာမက သက်လတ်ပိုင်း နှင့် အသက်အကြီးပိုင်းအမျိုးသားတွေအတွက်ပါ ဒီလိုဖက်ရှင်ဟာရုံးသွားဖက်ရှင်တစ်ခုဖြစ်နေဆဲဖြစ်ပါတယ်။