လူနေမှုဘဝမှာ ကိုယ်ဖြေရှင်းဖို့မတတ်နိုင်တဲ့ပြဿနာတစ်ခုကြုံတွေ့လာရပြီဆိုရင် အရင်ဆုံးအခြေအနေကိုလက်ခံတတ်ဖို့လိုအပ်ပါတယ်။ အခြေအနေကိုလက်ခံလိုက်ပြီဆိုရင် အခြေအနေကိုဆန်းစစ်ရပါမယ်။ ကိုယ့်ရဲ့တတ်နိုင်တဲ့ဖက်ကနေ ဒီအခြေအနေကိုပြောင်းလဲနိုင်ခြင်းရှိမရှိကိုစစ်ဆေးပြီး တစ်ကယ်လို့ပြောင်းလဲနိုင်တယ်ဆိုရင် ပြောင်းလဲဖို့အတတ်နိုင်ဆုံးကြိုးစားကြည့်ပါ။
အဲ့လိုမှမဟုတ်ဘဲ မပြောင်းလဲနိုင်ဘူးဆိုရင် အခြေအနေကိုလက်ခံလိုက်ပြီးတော့ တစ်ခြားဖြေရှင်းနည်းကိုကြိုတင်စဥ်းစားပါ။ သွေးပူပြီး လုပ်မိလုပ်ရာလုပ်လိုက်တာမျိုးထက် တစ်ခြားနည်းလမ်းကိုသွေးအေးအေးနှင့်ဆုံးဖြတ်တာမျိုးလုပ်သင့်ပါတယ်။ အကြံဉာဏ်ပေးနိုင်မယ့်လူကြီးတွေကိုရှာဖွေပြီးတော့ သူတို့အမြင်တွေကိုဆုံးဖြတ်ချက်ထဲမှာ ထည့်သွင်းစဥ်းစားသင့်ပါတယ်။
မတတ်နိုင်တဲ့အခြေအနေကိုစိတ်ပျက်နေတာမျိုးမလုပ်ဘဲ စိတ်လျှော့ပြီးတော့ အကောင်းဆုံးဖြစ်အောင်ပြင်ဆင်ပါ။ ကိုယ့်ကိုယ်ကိုယ်တိုးတက်စေမယ့်အရာတွေကို တောက်လျှောက်လုပ်နေပြီးတော့ အမြဲတမ်းအခွင့်အရေးအသစ်တွေကိုစောင့်ကြိုနေဖို့လိုအပ်ပါတယ်။